Wednesday, 7 December 2011

MORE INSTRUCTIONS FOR HAMZAD RITUALS

jo amliat me ne post kiy unkay hawalay se kafi email mosool huin bahot se ahbab ke zehn main bahot se sawal thay meri koshish rahi ke sab ko mutmain kar sakoon, or isi liy me ne ek esi post karnay ka socha jis me un tamam sawalat ke jawabat diy jain takay tamam hazrat faida utha sakain or me koshish karoon ga ke mazid jo sawalat bhi ho sakty hain unka bhi ihata karoon.
KAMRA KI SHART:
hamzad ke amal keliy me ne sharait me kamray ke mutaliq likha ke jab tak amal ho ga chahy jitny din ka bhi amal ho us kamra me siway aamil ke koi dakhil na ho, aksar bhaiyon ko ye shart bahot mushkil nazar ati he, ye shart hamzad ke amal ke sath makhsoos he, yaqin maniy ke ye to shart ka ek hisa he warna haqiqat main or asoolan to jo kamra muntakhib kia jay woh abadi se door ho, wehm bhi na ho ke wahan doran e amal koi or shakhs pahnch sakta he or ghar me ho sakta he hamzad ka amal, aj ke dor me dihat me to esay makan mil jaty hain shaher me bahot mushkil he, magar yad rakhain ke agar ap ghar me kamra ka intkhab karty hain to bilkul theek he koi mazaiqa nahin, magar shart ye he k doran e amal kisi ki awaz kano tak na pahnchay, chahy hamzad ke ilawa bhi kisi taskheer ka amal ho shor o ghul ki ijazat nahin, abadi se door makaan dhoondhnay ki mutadid wajoohat hain qk agar ap ghar me amal start karty hain or amal ke doran koi function jesy shadi biyah start hua to amal zaya samjhain qk esay shor o ghul me amal karna mehz waqt zaya karny wali bat he, doosri waja ye he k ghar me amil hamzad se bahot dhokay khata he, kabhi achanak ronay ki awaz ati he jesay ghar ka koi banda fot ho gaya or esi halat me acha khasa tajarba kar amil bhi dhoka kha ke uth jata he, kabhi lagta he ghar me aag lag gai, kabhi mehsoos hoga ke ghar me hadsa ho gya or apko hospital jana he, to inhi wajoohat ki bina pe abadi se door amliat kiy jain to behtar he. in short hamzad ke amliat jo tasawr ke hain or un me kuch prha na jay un me ye shart nahi magar jo amliat hain mustanad un me ye shart poora karna ho g.
AMIL KI POSITION:
amal ke doran amil keasy nishist rakhay? beth ke amal kary ya khara ho k to yad rakhiy amal e aftabi hamesha or hamesha kharay ho ke kia jata he jabke digar tariqon me amil ki apni marzi he chay beth ke karay ya kharay ho kar, lekin agar amal me koi khas hidayat ho beth ke ya kharay ho ke karny ki to wahi karain, ye mumkin nahin hota ke har amal ke sath tamam hidayat bar bar likhi jain isliy tamam hidayt wahi rehti hain han albata libas, nishist, ya khas bakhoor likha ho to sirf usi hidayat pe amal karain jo amal ke sath likhi he amal ke sath koi khas shart nahin likhi to jo blog ke shuroo me hidayat me  likha he usi pe amal karain.
CHARAAGH:
amal keliy khas charagh likha ho jesay pital, kaansi, matti to wahi istmal me lain warna jo apko muyassar ay wahi istimal karain, yad rakhain ke ap lamp bhi istimal kar sakty hain agar khas hidayat na ho magar  bulb ya energy saver hargiz nahin, qk roshni ap ne aag se leni he jesay marzi lain, ap candle bhi use kar saktay hain koi mazaiqa nahin. magar jis amal me likha ho ke falan oil ya ghee istimal karain ap ne wahi karna he, kabhi bhi hamzad ke amal me karwa oil istmal karnay ki ghalti na karain.
HISAAR:
hamzad ka aml agar qurani he to ayat al kursi gyara bar parh ke or awal o akhir 11 bar darood e ibrahi hathon pe dam kar ke tamam badan pe hath phair lain or amal shuroo karin. ye apka badni hisaar he koi chiz nuqsan na day gi, qurani amal me kabhi bhi or kisi bhi soorat main circle laga ke hisaar nahin karna hamzad ke amal me warna ap kabhi bhi kamyab nahin ho sakty chahy poori ummar amal karty rahain qk hamzad ke amal me hisar nahin kia jata or uski waja ye he ke agar ap amal se pehlay hisaar kar letay hain to hamzad ap ke jism se bahar naikal ke ap kay samnay aa hi nahi pay ga or hisaar ki mojoodgi me wo kabhi bhi ap ke jism se bahar nahin ay ga, quran e majeed me hamzad ko qareen kaha gaya yeni sathi, usay Allah ne insan ka sathi bana ke dunia me uskay sath lagaya he ap cahahain bhi to usay bhaga nahin sakty ye qanoon e qudrat he jisay koi bhi amil nahin badal sakta, or agar ap ne sifli ya shetani amal karna he to circle wala hisar ap kar saktay hain qk un amliat me hmzad ki bajay koi or makhfi shetani quwat apkay samny zahoor pazir hoti he, isliy jin hazrat ne mehz kam lena he wo koi bhi amal karain unhain farq nahin parta or jin hazrat ne waqai apnay hamzad ko massakhar karna he wo hazrat qurani amal karain ya phir koi esa amal jis ki sehat mushtaba na ho or yaqin ho ke hamzad hi samny ay ga, jo jadoo ke makoos amliat k amliat hain un me hamesha hamzad hi samnay at he, esa biyan karnay ki zuroorat isliy mehsoos ki qk shayad baz hazrat sifli, shetani or jadoo ke amliat ko ek hi chiz na samjh lain, isliy iski detail pe main ne pehlay bhi ek post likhi he.
HAMZAD KA DARJA:
baz hazrat ye sawl karty hain ke is amal me hamzad kis darja ka hoga to me apko aj woh bat batanay laga hoon jo aj tak apko kisi ne nahin batai ho gi, ap books me parhtay hain ke hmzad quwat ke hisab se 4 darja ka hota he, uski haqiqat pe bhi roshni daal doon qk is se enda keliy amal dekhty hi apko pata chal jay ga ke is amal ka hamzad kitna qawi hoga, mohtram hazrat, me ne hamzad ki quaton pe is blog me ek post likhi he or hamzad me ye tamam quwatain hoti hain, phir akhr q amilin ne hamzad ko 4 darjon me taqsim kia he to uski haqiqat ye he ke jesa ap amal muntakhib kartay hain usi hisab se ya to apkay samnay hamzad ata he ya koi or chiz, agar ap ne qurani amal kia or kamyab huy to apkay samnay hamesha hamzad ay ga or us me ye tamam quwatain mojood hon gi or agar ap ke samnay hamzad ki bajay koi or chiz zahoor pazir hui to jesi wo chiz he usi hisab se uski salahiyatain hon gi... yeni ke hamzad ke darjay nahin hoty hamzad sab ka ek jesi salahiyat rakhta he magar jin logon ke samnay unki shakal me koi jin ya kisi mantar ka beer zahhor pazeer hota he wo kam quwat rakhta he, isliy amlin hamzad k 4 darja bataty hain, me ap se ek bat poochta hoon ke hamzad ko jism e latif kehty hain or jab ap ke samnay apka hamzad mojood ho apki ghulami me bhi ho or woh ap se khana mangay ya ap usay choo sakain kia woh apka jism e latif hoga? nahin wo apka hamzad nahin mehz apka ham shakal jin ho ga or woh bhi koi khabis jinn.
HAMZAD KI FITRAT:
hamzad ki do fitrat hoti hain jab qurani amal se hamzad masakhar kia jay to woh baht narm mizaj or narm guftar hota he, had darja muadib, or jab ayat e makoos se masakhar kia jay to us me ghusa ziada hota he, barbadi ke kam kar ke bahot khushi mehsoos karta he, baqi sifli or shetani amal me agar hamzad samnay aya he ya koi or chiz donon soorton me wo burai ki taraf ziada mail hota he or yahan par bhi ek nukta samjh lain ke qurani or makoos amal wala hamzad har kam karta he chahay acha chahy bura bas muaida ke khilaf na ho, magar sifli hamzad achai ke kam se dil churata he chahy hamzad ho chahy kuch or,  or shetanui amal ka natija chahy hamzad ho chahy kuch or wo bhalai or neki ka hukm nahin manta or me ne to yahan tak dekha he ke baz oqat amil ko bhi neki se door rehnay pe majboor karta he, me ek amil ko janta hoon un ko shetani hamzad namaz ada nahi karnay deta tha quran nahin parhnay deta tha jab bhi woh amil esa karta 2,2 3,3 din tak sar dard usay ronay or chikhnay pe majboor kar deta.
ERAAB:
amliat me erab lagany ke 2 qanoon mojood hain jo jafr ke qaida se hain magar ooper jo nam ko palatnay wala amal byan hua us silsilay me batata chaloon ke nam ke erab har harf pe wahi rahain ge jo ke asal me mojood thay, yeni nam ke haroof ki tartib to ulat jay gi magar erab nahin badlay ga, agar pehlay jeem pe zabar thi to ab bhi zabar rahay gi, or jadoo ke amliat me jab kisi ayat ko makoos likhtay hain to us ka erab bhi wesay ka wesa hi rehnay dia jata he bas sirf tartib badal di jati he.
BAKHOOR:
Hamzad ke amal me agar koi khas bakhoor likha he to wahi use karain nahi to googal, loban, chandan, pipalgard or hing hamzad ke amal ka bakhoor he, or ye tamam chizain na kar sakain to koi ek bhi kafi he.
PARHAIZ E JILALI: 
is silsilay me hi log sab se ziada pareshan hoty hain ke kia karain to apko yahan ek gur or nukta ki bat bata doon ke parhez e jilali or woh bhi tark e hewanat samet karna koi asan kam nahi or ye shart bhi har amal ke sath nahi yad rakhiy ke agar apka amal sirf qurani ayat ya sirf ismay ilahi ka he to ap ko parhez e jilali ki zuroorat nahin, or agar kisi amal e qurani ke sath ye shart likhi he to is shart ko bypass karna mumkin he or iska tariqa ye he ke ap rozadar rahain or sirf badboodar ashiya se parhaiz karain lekin agar jafri qawanin se ap ne azimat waza ki he to phir apko karna hoga, or sifli or shetani amliat ya makoos ayaat ke amal me parhez az had zurrori he or koi khas parhez sath na likha ho to kisi mahir e ilm ki ray ke bina amal na karain.
SHARAIT KI WAJOOHAT:
Aksar ahbab ne poocha ke agar hamzad ke amal ke sath falaan shart he to wo shart q he? uski mantaqi waj kia he? to yahan me kuch sharait or unki wajoohat bayan kar deta hoon. khanay pinay me jo chizain mana hain wo ya to nasha war ashiya hain ya badboodar ashiya, baqi ashiy q mana hain. to jin logon ne fiqa e islami parha he woh ye ilm rakhtay hain ke koi bhi chiz jo islam me mana he uski bhi koi na koi wajja or illat zuroor hoti he, isi tarah roohaniat ka silsila he yahan bhi wajoohat ki bina pe hi sharait or parhaiz hain. khanay me jo ashiya mana hain unki waja ye he ke wo chizain ishtiha angez hain amal e hamzad me to jazbat ko bharkany wali kitabain parhna bhi mana he to khay ki ijazat kesay ho sakti he. upar jo me ne likha ke agar ap roza dar rahen or ap qurani amal kar rahay hain to jilali parhez ki zuroorat nahin us se bhi shayad ap ke zehen me sawl utha ho ke akhir esa q he to uski waja ye he ke roza bhi apko tamam fawahish se rok deta he qk hadis me ata he jo jazbat pe qaboo na rakh pay wo nikah karay takay pak rahay or agar iski qudrat nahin rakhta to rozay rakhay. to agar roza nikah ke fazail ataa kar sakta he to kia parhez e jilali jesi mamooli chiz ko bypass nahin kar sakta? or yad rakhiy ke parhez e jilali apko Allah ka qurb ataa nahin karta wo to bas zabt e nafs ka zaria he jabke roza zabt e nafs ka taqaza bhi poora krta he or qurbe Allah bhi ataa karta he, ap dekh sakty hain k hindoo bhi mantar ki sidhi keliy bart rakhna bataty hain, or jahan tak taluk he kamra ki shart ka uski kuch bat to me upar kar chuka uski or bhi mutadid wajoohat hain ek waja ye ke agar amal qurani he or koi napak shakhs kamra me dakhil hua to apkay amal pe buray asrat muratib hon ge doosri waja ye he doosra jo bhi shkhs enter hoga uska hamzad bhi sath enter hoga or ap or apkay hamzad ka amal ka raz phir raz nahin rahay ga, doosri makhlloqat maslan jin hamzad ke amal me amil ko na to daraty hain na hi tang karty hain ye sab tamashay mehz hamzad ke hoty hain isliy mana kia jata he ke us kamra me or koi dakhil na ho or ek shart ye he ke kamza khali ho or us me safaidi ho uski waja ye he ke agar kamra me saman mojood hoga to tawaja murtakiz ho g us taraf or ye ap khud tajarba kar lain ge ke hamzad kamra ki chizon ko cherta he, hata ke baz okat kamra me pari hui chiz ko itni zor se utha ke phaikay ga ke ao dang reh jain ge, ye shart zuroori nahin ke kamzar khali ho saman mojood ho or ap tawaja say pe rakhna jantay hon ap amal kar sakty hain.
LIBAS:
hamzad ka aml agar say se karna ho to hamesha chust jangia pehn ke karain amal ke sath libas ka nahin likha hota jab bhi amal say se karna ho yahi karna hoga han agar sath koi khas libas likha ho maslan ehram to wahi pehnain.
SAYAA:
Amal agar dhoop me karna ho to waqt soorj ke taloo ya gharoob ka hargiz na ho qk us waqt saya baht lamba hoga jab sooraj nisf al nahar ke qarib ho tab karain, or agr charagh se amal karna he to charagh itna ooncha rakhain ke saya mutanasib banay bahot bara na ban jay, or agr saya diwar pe banaya jay to bhi thi darust he us soorat me ap chagh ziada ooncha na bhi rakhain to saya darust banay ga.
BATNI TASKHEER:
Batni taskheer  infact hamzad se rabt peda karny or usay manoos karnay ka nam he, batni taskheer keliy sharait bahot narm or asan hain. batni taskhir ke bad zahiri taskhir ka aml kia ja sakta he, batni taskheer ka jo amal me ne blog me pesh kia us me kamra me or koi dakhil na ho ki shart shamil nahin.

35 comments:

  1. salam janab

    agar kamrey main mojod cheezon kay gird hisar ker lia jaye takay hamzad us ko na cher sakay to kaisa hai?ya us per hisar ki soraton ko per ker phonk mar di jaye?or agar aisa ho sakta hai to kia her cheez per alag alag hisar karein gay ya aik hi dafa per ker un cheezon per or apnay ird gird ker saktey hain?

    jazakallah

    ReplyDelete
  2. Mohtram esa mumkin nahi, chand khas or khatarnak amliay me esa kia jata he ke pooray makan ka hisar kar lia jata he qk baz quatain esi hain jo makan ko amil ka maqbra banay se bhi gurez nahin kartin, magar aml e hamzad me na esa koi risk hota he na hi iski zuroorat, qk amal ke ilawa ke oqat me bhi baz okat is tarah ki harkaten hoti rehti hain, maslan ap ne apni koi kitab kamaray rakhi waqt e zuroorat wahan nahin milay gi jab dhoon dhoond thak jain ge to wahin pari nazar ay gi, zaroori nahin ke esa hi ho magar is tarah ki harktainor tamashay doran e amal hotay hain magar in se ghabrana nahin chaihy balkay hansna chahiy qk nuqsan ka matliqan andesha nahin.

    ReplyDelete
  3. mohtram hazrat
    salam,
    8dinwale amal me mokel k nam ko nida e "ya" k sath parhna he na?
    ex: ya ramaael...?

    ReplyDelete
  4. ye apki apni marzi he dono tarah sahih he, lekin behtar he ke sath ya na lagain qk phir tadad me farq a jay ga abjid k addaad ka, or ek or ehm bat ke athwain di amal ke ikhtitam pe agar ap ko koi bhi chiz nazar na ay to bhi ap ne wahi jumla zor se yeni baland awaz se kehna he ke tum smnay nahin ay na ao magar......... ye zaroori he or esa ho sakta he qk agar ap ne kuch na kaha to phir apko ye kabhi mehsoos nahin hoga ke apkay sath koi or hasti bhi har waqt mojood he.

    ReplyDelete
  5. ummar bhi aap ki blog sa ma na kuch cheezain copy kr ka apna blog pr upload ki ha aap naraz to nahi plz replay me asal mara pas waqt nahi tha to ma na aap ka blog sa help li thi mgr ma na aap ka nam us pr likh liya ha.

    ReplyDelete
  6. aap ko rohani ilm ka sath sath rohaniyat ka bhi bht ilm ha ma bhi bht waqt rohaniyat ma resarch ki ha aap ki sari batain sun kr mujh ko bht khushi hui mujy maloom ho gaya ka yahan bhi ilm wala log mojood ha pr ma pehla kuch or sochta tha.

    ReplyDelete
  7. nahin bahi jan is me etraz ki koi bat nahin ye blg ap sab ka he.

    ReplyDelete
  8. Aoa
    Sir.
    Amalyat mr arrab lagany k jo 2 qanoon majood han un k method kia ha? arrab kesy lagaty han kesy b azeemat ya abarat me..

    Please tafseel sy btain..

    Tnx

    ReplyDelete
  9. aslam-o-alikum farooq sahib
    sir,
    agar aap k pass waqt ho aur meray sath aap e.mail k zariye baat cheet karain. tu me aap ko apnay mutaliq batao.
    me nay aap ka blog parha hai main us per apni batain share nahi kerna chata.
    aap ki mail ka muntazir,
    muhammad shahazad sheikh qadri.

    ReplyDelete
  10. aslam-o-alikum . umair bahi i hope say you fine ,so mera name faisal anjum ha, mera ap say ake kam ha jo mail per ney bata sacta ap plz. apna cell no send kar day im wating you ,mere id ha , kdfaisal96@yahoo.com im watin you answer .plz

    ReplyDelete
  11. umer bhai jalali perhaiz to samajh main aa gaya k qurani aml main is ko bypass kia jaa sakta hai roza k zariye laikin jamali amal ko kia bypass kia ja sakta hai aur kia tareeqa hai is ko by pass karne ka???

    ReplyDelete
  12. Reply To Shahid: i shall try my best to upload the methods, but as you know, topics are much and much, but time is always short.

    ReplyDelete
  13. REply To Shahzad: yes you can talk by mail.

    ReplyDelete
  14. Reply To Rain: qurani aml me sirf shariyat hi kasoti he, na to jilali ki zaroorat he na hi jamali ki. jilali poarhez, jamali parhez or tark e hewanat basically ek hi chiz he isko 3 categories me divide kar ke logon me mash,hoor karny ka karnama un naqal amlin ka he jinhon ne arab books se urdoo me tarjma kar ke books likhi hain or khood nam nihad amil ban bethay hain, agar ap amliat ki un qadim refrence books ko parhain to ap pe haqaiq roshan ho jain ge, isliy me ne likha he ke an qareeb jilali jamali pe ek post likh ke in razon se parda uthaun ga jo ke naqal amlin ne pet palny keliy takhliq kar ke makhlooq e khuda ko mushaqat me daala he.

    ReplyDelete
  15. Aslam-O-Alikum,
    Ummar Farooq Bhai,
    sir mera pura naam Muhammad Shahzad Sheikh s/o muhammad shabbir anjum mother name nusrat naheed (late). Date of birth 26-07-1976. star leo. birth wala din shab-e miraj. bhai meray saath masla ye hai k mujhay sahi guidence nahi mili. year 2010 mai aik naam nihad aamil say taskheer-e- hamzad ki ijazat li thi. jo k zanjani jantari mai publish hota hai. us nai 5000/- rupees k aiwaz ijazat di aur aik letter meray address per ijazat ka pheja jis mai mosoof nai 12 din ka amal bataya. Jis me perhaiz jilali aur jamali krna tha, ehraam bandhna tha. sir aik daal aur rooti apnay haath say paka kr khani thi. aur ziada waqt usi kamray mai guzarna tha.khair allah ka namm le kr nochandi jumeraat ko me chilay mai beth gaya .aur mosoof say telephone pr rabtay me raha chilay me jo kafiat rahi wo yeh hai k 3 din baad mujhay kisi dosray ka ihsas honay laga . jaisay jaisay din guzartay gaye dhowan nazar ana shuroo howa aur bas is k baad kuch na huwa fon pr batya gaya k is chillay ko 40 din tak ley jao me mujboor tha lehaza chilla 40din tak le gaya 39way din phir jinaab mohtram say phon pr rabta kia tu mosoof ne poocha k hamzad aya k nahi me ne kha nahi tu farmaya lagay raho. isi tarha 120 din guzar gaye jis me ramzan guzra eid ul fitar guzrii aur eidul azha bhi guzar gayee . aur mossf say phon per rabta bhi khatam ho gaya un k idaray se ye jawab milta tha k wo amrica gaye howay hai tng aa kr main chillay say uth gaya kiu k ustaad motram hi bhaag gaye the tu mai kia karta. isi chakar mai meri job bhi ja chuki thi. mai bahut mause howa. khair mai ne himat nahi hari. aur aina bini ki exercise kani shuroo kr di .
    ye kulasa hai bhai mujhay koi acha sa amal sujjest karain jis mai kamiabi yaqeeni ho.jilali aur jamli ki koi perwa nahi . aap ki naiki ho gi ghose pak sheikh abdul qdir jilani k ajiz o khaksar mureed aap k liye dua go rehe ga.
    waslam,
    muhammad shahzad sheikh qadri

    ReplyDelete
  16. aoa .sir mera name faisal ha ap plz bata day kay yea amil theek ha or comp ha q kay manay yea amil karna ha .ma ap ka wait karta ho plz tell me 2 days amil yea ha....
    عمل ہمزاد سورہ رحمن

    یہ عمل بابر سلطان قادری کو عبدالرحمن سر ہندی صاحب کا عطا کردہ ہے میں خود بھی قادری ہوں اور ان کی بڑی عزّت ہے میرے دل میں۔

    طریقہ:عامل ایک بڑا شیشہ اندازا ڈیڑھ یا دوفٹ لمبائی چوڑائی میں ہو۔اپنے روبرو رکھیں ۔آئینہ میں اپنا عکس دیکھتے ہوئے سورہ رحمن پڑھیں زبانی یاد ہونی چاہئے کیونکہ آپ کی نگاہ آئینہ میں ہو گی۔اور ایک پیالہ پانی کا بھر کر اپنے پاس رکھیں جب سورہ پڑھتے ہوئے اس آیت پر پہنچیں تو اس کوایک سوایک مرتبہ پڑہیں۔ اور باقی سورہ کو پڑھ کر ختم کر لیں۔اور پانی پر دم کر لیں اور اپنے اوپر چھینٹے ماریں اور بقیہ پانی کو پی لیں یا کسی دیوار پر ڈال دیں زمین پر نہ پھینکیں۔انشاء اللہ اکیس دن میں ہمزاد تابع ہو گا۔چند یوم میں اثرات شروع ہوں گے۔جو آپ کی قابلیت کے حساب سے کم یا ذیادہ ہو سکتے ہیں ہمزاد کے عمل میں قوّت متخیلہ بہت اہم کردار ادا کرتی ہے یعنی آپ کی یکسوئی یا ارتکاز کی طاقت ایک جگہ ذہن کو لگا کر رکھنا اور کوئی اور خیال ذہن میں نہ آئے یہ جتنی زبردست ہو گی اتنی ہی جلدی ہمزاد تسخیر ہو گا اس کی مشق بھی کر سکتے ہیں۔
    آیت یہ ہے۔
    یمعشر الجن و الانس ان استطعتم ان تنفذو من اقطار اسموت والارض فانفذو اط لا تنفذون الابسطن

    نوٹ:حصار کریں۔ کمرہ تنہا ہو یعنی جتنے دن آپ عمل کریں کوئی اور اس میں داخل نہ ہو ورنہ کامیاب نہ ہو گا۔

    پرہیز: گوشت ،انڈہ،مچھلی،لہسن ،پیاز،عمل زوجیت،نشہ آور اشیاء یعنی مین پوڑی گٹکا ان سب سے

    شرائط:روز نہا کر با وضو عمل شروع کرے۔ عمل کے وقت شک کو پیدا نہ ہونے دیں۔ روز ایک ہی وقت اور ایک ہی جگہ عمل کریں عمل سے پہلے اور دوران عمل کسی ذکر نہ کریں کہ آپ عمل کر رہے ہیں چاہے وہ کتنا ہی قریبی کیوں نہ ہو۔لوگوں سے ملنا اور بات چیت کم کردے۔ہلکی غذا کھائیں۔ دوران عمل اچھی خوشبو لگائیں اور دوران عمل چندن اور لوبان کی اگر بتی جلائیں یا ویسے ہی انگیٹھی پر جلائیں۔نماز کی پابندی کریں۔

    ReplyDelete
  17. Reply To Shabbir:
    ji han ye amal darust he. ye babar sultan ki book haqaiq e hamzad me bhi mojood he. agar ap is ayat ke amil hain ya kisi esay amil ki ijazat se amal kar rahy hain jis ne is ayat ki zakwat e akbar ada ki ho to lazmi 21 din me kamyab hon ge, lekin agar ap amil nahin or na hi is ayat ke amil ki ijazat ap ko hasil he tab musalsal karain, 3 chilon tak bhi jana par sakta he, yahi asool quran ki har ayat se taskhir ke amal ka he, is liy ap nazriya e taseer wali post parhain.....

    ReplyDelete
  18. aoa. ma faisal anjum sir ake or kam ha plz tell me wo yea ha kay sir mera majaz [BADEY] ha mera star libra ha ap plz mujy koi amil bata day bashak 40 days ka ho no problum sir ma kar lo ga uknow meray pass bhot see book hain hamzad ke ma yeaken ney karta books per ass lay ap say pouch raha ho ,,, or sir zakwat e akbar kasay ada kartay hain plz tell me im wating you sir .............. zara jaldey sir problum yea ha kay manay 2 mounth kay bad Austrlia jana ha to apb mujy meray janay say palay bata day... thanks im wating you....
    thanks

    ReplyDelete
  19. Reply To Shabbir;
    bhai ap koi bhi qurrani amal kar sakty hain, jo bhi sab se asan lagay or jis ki tamam pabandiyan ap bardasht kar sakain wahi amal karain.

    ReplyDelete
  20. AOA umair bahi ap say ake bat ha wo yea kay bahi mera ansar badey ha manay ake amil kia tha jess may charage jlana tha 10 din ka tha but kuch ney howa . ap plz koi badi majaz wala amil mujy send kar day plz im wating you allha ap ko happy rakhay k amin.. im wating you answer.. faisal anjum

    ReplyDelete
  21. reply to shabbir; qurani amliat e hamzad me mizaj ki shart aid nahi hoti ap jo marzi amal chahain kar sakty hain, mizaj ki shart sirf jafr or najoom ke sath mansoob he. is pe detail me bahes ho chuki he, blog ki tamam posts ka mutalia karain.

    ReplyDelete
  22. THANKS SIR AKE OR QUSTION HA PLZ MA AP KO TANG KARTA TO AUS KAY LAY SORRY QUSTION YEA HA KAY KIA AMIL HAMZAD MAY AMIL PARA JA TA HA AUS KE TADADE MA APNAY ASAM AZAM BHE SHAMIL KIA JA TA MENS NAME KE TADED SHAMIL KE JA TEY HA ,, PLZ ANSWER ME IM WATIN YOU ANSWER UMMAR BAHI
    FAISAL ANJUM.

    ReplyDelete
  23. sir plz ake qustion yea ha kay plz mereyb at ka glat malab na lana ap
    sir agar amil kay doran.. ATLAM LO JAY TO ASS SAY AMIL PER TO KOI ASSAR NEY PARTA YEA AMIL ZAYA TO NEY HOTA PLZ SIR TELL ME IM WATING YOU ASWER ..SIR SE TOMMROW ANSWERE ME IM WATING .. GOD BLASSING YOU

    FAISAL ANJUM.

    ReplyDelete
  24. Reply to Shehzad:
    ehtlam se amal pe koi farq nahi parta, lekin qurani amal ho to jitna bhi jald mumkin ho ghusal kar lia jay

    ReplyDelete
  25. Reply To Shabbir: ji han baz amliat me esa hi hota he, blog me bhi 2 amal diy hain ek apny hi name ko apny name k adaad ke mutabiq parhna he or ek amal sifli he jis me apne name se hi muakil akhaz karna he.

    ReplyDelete
  26. acha ake bat or they wo yea kay agar amil hamzad may bhoker jalaya jay to kamabi jalde ho ja tey ha plz reply me im wating you sir.

    ReplyDelete
  27. aoa ummar bahi ake or bat ha wo yea kay hamzad kay amil may bhoker jalnay say kamaby jald ho ja tey ha . or yea kay amil hamzad start karnay kay 2yea 3 din bad amil ko chorany ka q dil kar ta ha plz tell me im wating you answer ok ummar bahi

    ReplyDelete
  28. umair bahi ap ke poste may yea amil ha ass ko kasay kar na ha plz tell me im wating you amil yea ha ok..جان لیا جائے کہ ہمزاد کو بنا تسخیر کیے بھی اس سے کام لیا جا سکتا ہے۔ جس طرح سے کسی بھی عمل میں اس عمل کے موکل کو بذریعہ عزیمت حکم دیا جاتا ہے بالکل ویسے ہی اپنے ہمزاد پر بھی حکم وارد کیا جا سکتا ہے مثال کیلئے صرف ایک عملِ محبت پیش کیا جائے گا۔ وہ لوگ جو حب کے عملیات میں ناکام ہوتے رہے ہیں یا وہ جو ہمزاد کی عامل کے آگے ادنیٰ حیثیت کو سمجھنا چاہتے ہیں تجربہ کر کے دیکھ لیں۔ یہ راز اگر پاکستان کا ایک بھی عامل بتا دے تو میرا خون معاف ہے۔ ہمزاد جس کو انسان کے ساتھ لگا دیا گیا ہے وہ ہر وقت کتنا فعال ہے اس عمل سے ظاہر ہو جائے گا۔{ بعض عاملین کے نزدیک ہمزاد سویا ہوتا ہے} یہ عمل قرآنی ہے صرف شریعی ضرورت میں کام دے گا۔ کوئی سفلی عمل اسلئے پیش نہں کیا جائے گا کیوںکہ وہ جائز نا جائز ہر امر میں کام کر جاتا ہے۔ اس عمل کی عزیمت میں بھی دو عظیم راز چھپے ہیں اور دونوں ہی ہمزاد سے متعلق ہیں میں چیلنج کرتا ہوں کہ کوئی ایک نام نہاد عامل بتا دے۔ اور جلد ہی انشاءاللہ پرہیزِ جلالی جمالی اور ترکِ حیوانات پہ ایک پوسٹ لکھ کران رازوں سے پردہ اٹھایا جائے گا کہ آپ کا دل چاہے گا کہ بازار میں ملنے والی عملیات کی تمام کتابیں دریا برد کر دی جائیں کیوںکہ جو پرہیزِ جلالی جمالی ان کتابوں میں لکھے ہیں ان پہ عمل کر کے سوائے تضیع اوقات کے اور کچھ ہاتھ نہیں آنے والا۔

    ترکیب:

    ReplyDelete
  29. AOA SIR UMMAR sir kia ap mujy amil hamzad apney ranmey may hamzad ka amil kara sactay hain ap pasay ke faker na karay wo ma kar lo ga ok bas ap mujy hamzad ak amil kara day ok plz replzy me im wating you ok

    ReplyDelete
  30. SIR AKE OR QUSTION HA WO YEA KAY PRAZE MAY HAMZAD KAY AMIL MAY FROUITE JAME KHA SAC TAY HAIN PLZ TELL ME IM WATING YOU
    FAISAL ANJUM

    ReplyDelete
  31. Reply To shabbir:
    1: bakhoor ke bagher amal ho hi nahi sakta, khas tor pe taskhir ka amal chahy kisi bhi chiz ki taskhir ho.
    2: wo amal kesay karna he post me mukamal tarika e kar update kar diya gya he, whan se dekh lain...
    3: Mohtram me rehnumai ke pesay nahi leta, or na hi meri rozi roti is kam se chalti he.
    4: parhez pe bhi mukamal post likh di he, sirf hewanat se makhooz ashiya ka parhez he.

    ReplyDelete
  32. This comment has been removed by the author.

    ReplyDelete
  33. sir kia bat ha sab theek to ha na ap meray say naraze hain ap nay meray qustion ka answer ney dia plz reply me

    ReplyDelete
  34. aoa sir kia hall ha i hope you fine sir ake qustion ha wo yea kay plz tell me so ager ham kesey ko ake amil hamzad ke ajzat daytay hain jess may ham khode kamabe ney hoy to kia ham aus amil ke zakwat ada kar kay kamabe ho sac tay hain plz tell me im wating you sir plz jelde. im wating you i hope you help me ...

    ReplyDelete
  35. AOA SIR KIA HALL HA I HOPE YOU FINE SO SIR AKE BHOT ZOREY QUSTION POCH NA HA PLZ TELL ME . SIR AGAR AKE AMIL HAMZAD JO KAY 10 DIN KA HA AGAR AUS KE ZAQAT PAR LEY JAY TO KIA WO DUS DIN MAY KAMABE HO JAY GA
    HAMZAD KAY AMIL MAY PLZ TELL ME IM WATING YOU ANSWER .............

    ReplyDelete