Wednesday, 14 December 2011

KUCH AHAM BATAIN & REPLY TO NOOR MUHAMMAD

Asallam O Alaikum, kuch din pehly is blog pe jo comments liy gay uskay bad me ne fesla kia tha ke is blog ko band kar dia jay qk kuch log nahin chahty ke unkay jhoot ka pol khola jay, Magar jo log kuch sikhna or waqai jan,na chahty hain unki emails or requists ki waja se blog ko again jari kia. tanqid ko me welcome kehta hoon magar jahil or behooda logon keliy is blog me koi gunjaish nahi, ek bhai Noor Muhammad ne sawal kia to mery jawab se shayad wo poori taraah mutmain nahi huy unka doosra sawal ye he,


ASLAM-O-ALAIKUM JANAB UMAR SAHIB ap kay jawab ka shukeria ap jawab tou dia mager sirf meray 2 swalon ka mager eik swal ka jawab ubi bi baqi hai mai ap sy pucha tha kay NASMA kisay kehtay hain zera tafseel sy jawab dain.Ap nay har cheez ko yaksar ghalt-ul-aam ker dia hai hazrat mujhay yea batain kay siftay ekhtiraaj kesay kertay hain amal ka or raja-ul-gaib sy kia murad hai? or neechay kuch afaaz likh raha hn unn ka kia matlab hai

enn alfaaz ka tafseel sy jawab dain
NOOR MUHAMMAD

کلمن،حطی،قرشت سعفص 

Mohtram agar ap ne ye sawalat apny ilm me izafa keliy kiy to yaqinan apko bahot faida hoga or agar sirf meri ilmi qabliat jan,nay keliy to in jawabat se apka bhala nahin hoga  sirf in kalmon ki haqiqat pe me agar likhnay bethoon to poori kitab tasnif ho skti he magar yahan bas utni hi bahes karoon ga jitni apky ilm me la kar me gunah gaar na banoon.beharhal jawab hazir e khidmat hay, takay or hazrat bhi faida utha sakain.ye jo apny 4 kalmay likh ke bhejay hain ye 4 nahin 6 hain or jo 4 ap ne likhay hain unki bhi tartib darust nahi likhi, pehly ap ko amliat me inki haqiqat bata hoon, in haroof ki tartib se abjid qamri banti he or inhi ki tartib se pata chalta he ke biltartib konsa harf atshi, badi, khaki or abi he, wo 6 kalmay ye hain,
ابجد ہوز حطی کلمن سعفص قرشت
lekin amliayat me 7 or baz oqat 8 kalmay istimal hoty hain yeni inkay ilawa or bhi hen us pe bad me bahes karoon ga pehly inki haqiqat khol doon, amilin kehtay hain ke ye ke arab bashinday ibn e marra ke 8 beton ke nam thay kash al barni ne amil kamil awal me isi taraf ishara kia magar ye safaid jhoot he or baz kehty hain ke ye ibtidai 6 jumlay madin ke badshahon ke nam hain, ye bhi man gharat bakwas he,kash al barni ne amil kamil awal me likha ke yahood jafaar ibtida me pehlay sirf inhi 6 jumlon se kam lety thay magar unki malfoozi surat kia thi me nahi janta or mujhay us ke mutaliq kisi kitab me ser hasil bahes nahin mili. leken jahn tak mukhtlif aqwal se natija nikal sakta he woh urat ye ho sakti he,
ابجد  ھوزح طیکل منسع فصقر شتث
Or mujhay qasam he Allah ki zat ki ke ye bhi jhoot he, agar ap abjid ka naqsha utha ke dekhain to whan bhi haroof is tartib pe nahin likhay, asal 6 kalma kia hain or ek or kalma kahan se aya ye me apko batata hoon,
mohtam agar duniya ka ek amil bhi ye raz bata day to mera khoon ap pe muaf he, haan albata agar ap kisi alim e deen se poochain to hazaron alim e din apko inki haqiqat bata dety, magar masla yahi he ke aj musman alim e din ke pas nahin jata nam nihad or jahil amilon ke pas jata he, to suniy:

 Hazrat Zahaak Bin Mazahim Razi Allah se rawayat he Ke Allah ne zamin O asman ko 6 din me takhliq kia or har din keliy ek nam muqarrar he or woh ye hain, ابجد، ہوز حطی کلمن سعفص قرشت 

imaam ibn e jarir tibri ne yahi rawayat apni tarikh e islam bab awal jild awal me darj farmai or Hafiz Ibn e Kasir ne apni kitab albadaya wal nihaya me isi ka hawala dia, yeni ye un 6 dino ke nam hain jin me Allah ne takhliq e Kainat farmai, mujhay ek amil bata dain jis ne apni amliyat ki kitab me ye bat likhi or kash al barni ne to yahan tak keh dia ke me ne in kalmon ki malfoozi soorat dhoondi magar mujhay kahin nahin mili, halanke ye malfoozi soorat to hamri tarikh ki kitabon or quran e majid ki tafsir ki kutab me aam mil jati he. Ek or Sahabi e Rasool Hazrat Abdullah Bin Abbas (R.A) se unkay shagird عطا ne rawayat kia,

"Allah ne din ko peda kia or uska nam AL Ahad rakha phir doosray din ko peda farmaya uska nam Al Asnain rakha phir ek or din peda farmaya or uska nam Al Salaasa rakha phir ek or din peda farmaya or uska nam Al Arba rakha phir panchwain din ko peda farmaya or uska nam Al Khamis rakha

 yeni ye zaroori bhi nahi ke waqai in ayam ke nam ye hon qk israeli rawayat bhi to mojood hain.Quran me bhi Allah ne kai maqamat pe kainat ke 6 dinon me takhliq honay ka zikar farmaya, maslan Sura Hood me Allah ne irshad farmya:

"Wo Allah jis ne zamin o asman ko 6 din me takhliq kia" 

phir Sura Baqra me irshad e Baari Ta`ala he,  

"Allah wahi zat he jis ne zamin o asman or jo kuch unkay darmiyan he sab kuch 6 din me peda farmaya or phir apni shan ke mutabiq  arsh pe jalwa farosh hua"

Ab sawl ye uthta he ke ye to 6 kalmat hain satwan kahan se aya? is ka jawab bhi yahi nachiz day ga koi nam nihad amil nahin day sakta, to suniy:


Hazrat Abdullah Bin Abbas (R.A) se rawayat he ke yahood Ap (s.a.w.w) k pas ay or zamin o asman ki pedaish ke baray me sawal kia Ap s.a.w.w ne irshad farmaya ke Allah ne zamin or asman ko itwar or pir ke din peda farmaya or paharon ko bamuay unki madniyat or khazain ke mangal ke din peda farmaya, or darakht, pani, shaher, abaadiyan, wiran jaghain, ye sab budh ke din peda huin phir Ap S.A.W.W ne dalil ke tor pe ye ayat tilawat farmai:
"Kia tum us zat ka inkar karty ho jis ne zamin ko do din me banaya or tum us keliy shirka qaraar dety ho halanke wahi Rab ul Alamin he or us ne zamin ke ooper pahaar bana diy or is zamin ke andar nafaa bakhsh chizen rakhin, or isi zamin ke andar se logon ki ghizain muqarrar farmai or ye sab amal chaar din me mukamal hua"  Sura Ha Mim Sajdah Ayat9-10
Or silsla e kalam jari rakhty huy Ap S.A.W.W ne farmaya jumerat ke din Allah ne Asman ko peda farmaya or juma ke din sitary, suraj, chand or farishton ko peda farmaya yahan tak ke juma k din ki 3 ghariyan baqi reh gai thin phir in 3 ghariyon me se pehli ghari me logon ki umrain, or doosri ghari me aafaat o masaaib ko peda kia or teesri or akhri ghari me Adam A.S ko peda kia unko janat me rihahish ataa ki or Iblis ko sajda ka hukm dia inkar par usay janat se nikal dia gaya ye sab akhri ghari ke khatam tak hua, yahood kehny lagay ke phir kia hua? to Ap S.A.W.W ne farmaya phir Woh apni shan ke mutabiq arsh pe jalwa faroz hua, yahood ne kaha ke agar Ap ikhtitam sahi karty to apki bat darust qarar pati, or yahood ne kaha ke iskay baad Allah ne thak ke aram kia, Nabi Kareem S.A.W ye sun ke bahot ghazabnak huy or usi pe ye ayat nazil hui
"Bila shuba ham ne zamin o asman ko 6 din me peda farmaya or hamain zara bhi thakan na hui pas ap inki baton pe sabr karty rahain"  Sura ق ayat 38-39

 To ye he us satwain kalmay ki haqiqat, mohtarm ye satwan kalma yahood aqiday ke mutabiq us din ka nam he jis din Allah ne kainat banany ke baad thak ke Aram kia  Naooz Billah he min zalik. ye bat taslim shuda he ke abjid ka ye qaida qabal az islam yahoodiyon ke dor se hi chala aa raha he.
Quran o hadis ke in dalail ke bad bhi me janta hoon ke kuch log baz nahi ayen ge or jhat etraz karain ge ke nahi ji ye 7 ke 7 kalmay to musalman ulma ki ijad hain ye izafa yahood ne nahi kia, to aj ye bhi sbait karta chaloon ke ye abjid e qmri jis se amlin jafar ka kam lety hain islam se qabl ki chiz he saboot keliy ye hadis mulahiza ho,


Muhammad bin Is,haq bin Yasir R.A se rawayat he ke Aboo Yasir bin Akhtab yahoodi apnay chand sathiyon ke sath Ap S.A.W ke pas aya Ap S.A.W us waqt الم زالک الکتاب لا ریب فیہ ki tilawat farma rahay thay woh usay sun ke apny bhai Hayi bin Akhtab ke pas aya or kaha ke me ne aj Ap S.A.W ko is ayat ki tilawat karty huy suna he, woh poochta he tu ne khood suna he? wo bola haan me ne khood suna he, Hayi in sab yahoodiyon ko le k phir Ap S.A.W ke pas ata he or poochta he ke kia ye sach he ke Ap S.A.W abhi is ayat ki tlawat kar rahy thay? to Ap S.A.W.W ne irshad farmaya ke "haan ye sach he" us ny kaha suniy aj tak kisi bhi nabi ki nahi bataya gya ke unka mulk or unki hakoomat kab tak rahay gi magar apko bata diya gaya phir khara ho kar logon se kehnay laga, "Suno, alif ka adad hua ek, laam ke tees, or mim ke chalis, ye kul mila keikhatar banty hain, kia tum us nabi ki tabedari karna chahty ho jis ky mulk or umat ki mudat 71 bars he? phir Ap S.A.W.W ki taraf mutawaja ho ke poocha kia koi or bhi ayat esi he? Ap s.a.w.w ne farmaya han المص to woh kehnay laga ye baht bhari ayat he alif ka 1 lam k 30 mim ke 40 saad ke 90 ye mil ke 161 huy or poocha kia or bhi esi ayat he Ap s.a.w.w ne farmaya, الر kehny laga ye bhi bahot bhari or lambi he alif ka 1 laam ke 30 ra ke 200 jumla 231 bars huy, or kaha kia iskay sath koi or bhi esi he? to Ap s.a.w.w ne farmaya "Haan  المر" to bola ye to bahot hi bhaari he alif ka 1 laam ke 30 meem ke 40 or raa ke 200 sab mil ke 271 ho gay ab to kam mushkil ho gia or bat ghalt malat hogai logo utho, Aboo yasir ne apany bhai or doosray Yahood ulmaa se kaha ke ho skta he ke in sab majmooa haroof ke adad ki mudat Muhammad s.a.w.w ko mili ho? 71 ek, 161 ek, 231 ek,, 271 ek ye sab mil ke 734 baras huy, unhon ne kaha ke nahhin ab kam ghalat ho agya. 

Is rawayat se ye bat bakhoobi roshan hui ke haroof or uskay adaad islam se pehlay ke hain or is rawayat me lafz yahood ulmaa aya jis se ye bhi sabit hota he ke us waqt ke yahoodi almin isi abjid or inhi haroof se kam letay thay jo aj hamain aam amliat or jafr ki kitabon me miltay hain, or ye bhi pata chalta he ke jafar ke مستحسلہ se ghaib ki khabar nahin milti agar esa mumkin hota to yahood ki jafar or in adaad se ki hui peshgoi bhi shai hoti. yeni ye jo nam nihad amilin kehty hain ke ye madin ke badshon ke nam thay ya ibn e marra k beton ke nam ye safaid jhoot he, or do or kalmay akhaz kiyun kiy gay? uski wja amilin ye bataty hain  ke jafr me Torat  ki ayat ka istmal hota tha or torat abrani zaban me thi arab yahho arbi bolty thay or unki zaban me kuch harf zaid thay unhon ne wo is me dakhil kiy jesay  ث خ ذ ض غ  jesay hamari urdu zaban ke kuch haroof arbi me shamil nahin hain maslan ڈ گ ڑ پ isi tarah arbi ke bhi haroof thay jinhen shamil kia gaya magar ye haqiqat nahin haqiqat ye he ke yahood ne Allah ki shan me gustakhi ki jurat karty huy satwain din ki buniyad dali qk agar yahi haqiqat hoti to aj amilin urdu ke jo haroof nahin hain arbi me unka bhi koi kalma bana ke abjid me dakhil kar lety or ye bat to har amil taslim karta he ke ibtida me yahood jafaar sirf 6 kalmon se kam lety thay kash al barni ne bhi amil kamil me isi taraf ishara kia he, magar is sari bahes me raz or nukta ki bat kia he wo byan nahin karoon ga na hi quran e majid se muslman ulma ne jo adaad e nazooli akhaz kiy unki haqiqat bayan karoon ga qk ye blog to openly he or esay raz isi tarah sar e aam afsha nahin kiy jaty.
Apka or sawal tha ke NASMA kia he to mery bhai me ne apko iska jawab day dia tha ke ye ek soofiyana istilah he rooh ke baray me, maherhal apki maloomat keliy bata doon ke rooh ko ye log kai hison me divide karty hain or unkay inhon ne mukhtalif naam rakhy hain maslan rooh e hewani waghera or hamari rooh ke ek hisa ko ye nasma ka nam dety hain
 magar me iska qail nahin, 
sidhi khari or saf bat ap quran ya hadis se koi dalil lain to mjhay man,ny me etraz nahin warna haqiqat to wahi he jo Allah ne quran me bata di "ke woh tum se rooh ke baray me sawal karty hain keh do woh mery rab ke hukm se he"  
or agar ap ne ye blog complete parha hota to ap doobara ye sawal na karty 
jab Nabi Kareem s.a.w.w ne bhi rooh ki haqiqat bayan karny pe sakoot akhtiyar farmaya jab ahadis me khula or wazeh bata dia gaya ke Uska poora ilm sirf or sirf Allah ke pas he to kisi ki phlosphy rooh ko kesay hal kar sakti he? 
me ne ap se pehly bhi guzarish ki ke ap meri ray pe na chalain kisi bhi alim e din se pooch lain ke uski kia ray hay.  agar ap ne rooh ko smjhna he to Quran O Hadis se samjhain, or Allah ne quran me Hazrat Eesa A.S ko  Rooh Ullah kaha isi ki tafsir dekh lain kahin bhi.
Ek or sawal ap ne ghaliban rajaal ul ghaib ke baray me kia jisay ap ne raja-ul-gaib likh dia, rajal arbi zuban ka lafz he jisy ke meni mard ke hain, pehly sahi lafz to sikh lain.....mohtram amilin kehty hain ke ye khuda ke farishty hain or mukhtlif ayam me mukhtlif simton me hoty hain amal se pehly un pe salam bheja jay waghera or is ki azimatain bhi kai ek raij hain, ye bat bilkul darust he ke rajaal ul ghaib hain lekin woh kia hen kuch nahin kaha ja sakta iska istadlaal bhi quran se he baz Sahaba R.A ki ray me woh farishty hain baz ki ray me hawain.  lekin unka kisi khas din kisi khas simat me hona sabit nahin or aj ke amilin bahot se amilin is bat ke qail hain, Dr.Manshhor alam sidiqui ho gay misal ke tor par.
or ap ne sifat istakhraj karny ka bhi poocha to janab is ke kai tariqay marawaj hain or me ne kinds of ritual wali post me wazeh likha he agar ap ne jafr se amal karna he to ap ko in tamam qawanin ko follow karna hoga agar jafr se nahin karty or quranse amal karty hain to ye zaroori nahin, or mohtram koshish karain ke ek waqt me ek sawal poochain qk baz sawalat apkay nazdik to mehz ek sawal hi hoty hain magar unki haqiqat byan karny keliy ek daftar bhi nakafi hota he, me ne ye blog mehz hamzad ke ilm keliy banaya he yahan agar me jafr or doosray uloom ki bahes chair doon to hamzad pe post nahin kar paoon ga. han jab bhi me hamzad keliy jafr ka amal doon ga to uskeliy jo bat zaroori ho g woh me pesh kar doon ga.

31 comments:

  1. salam mohtram hazrat
    meine ek blog me ek hindu ka likha ek amal parha jisme 90 din tak apne nam ko 3125 bar parhna he pusht pe chraag rakh kar unhe ye amal koi hasad baksh nami amil ne btaya wo blog ye he
    Nikhil-alchemy2.blogspot.com
    aur amil kamil me b barni sahb likhte he k koi insan 125000 bar apna nam parhega to hamzad muskhar ho jaega.to kya ye sach he.sirf apne nam ko 125000 bar parhne se b hamzad taskhir hojata he?
    jazakallah khair..!

    ReplyDelete
  2. Dear Mr Rafiq,
    thank for your post aap nay achchi website batai, jo aap nay amal k baray main poocha hai bilkul durust hai magar aap amal Jalali jamali parhez k sath keejiyeh ga agar parhez nahi karna tou 125000 k baad bhi karteh jain kamyabi zaroor hogi aap jo bho mokil ka amal kartay hain woh mokil pehlay din aa jata hai magar apni apni roohani koowat kay mutabiq nazar aatay hain kisi ko pehlay din aur kisi ko aakhri din.
    aur Ummar Sab aap bohat achcha kam kar rahay hain please blog bandh na keejiyeh ga main aap kay blog ko razana check karta hoon nayae aamal aur aap ki achchi baatoun kay liye. aap say baat karni ho ya milna ho tou kya kiya jaey zaroor bataeyeh ga.
    Allahhafiz

    ReplyDelete
  3. REPLY TO BROTHER RAFIQUE. Ji han bhai jan woh amal bilkul darust he or barni sahb ne bhi darust likha magar jo sab se ehm bat he wo ye ke is amal me zroori he ke ap jo bhi khain usk me se hamzad ko hisa dain, matlab ek luqma zamin pe dalain ye soch kar ke ye hamzad ka hisa he, or amal ki mudat 41 din he or had se had 3 chillay yeni ek so bis din, or agar yahi amal ap nam ke adad ke mutabiq parhain tab mudat ho g 6mah. wassalam

    ReplyDelete
  4. Ummar bahai kesay hain ap? me 8 din wala amal karna chah raha hoon meri rehnumai farmain, aj ke dor me ap ne jo ilmi nukaat biyan kiy me dang reh gaya yaqin maniy yahan internet pe to esay bewaquf log bhi mojood hain jo ye samjhty hain k hamzad ko woh khood mashqon se takhliq karty hain phir uski hazri ka amal kia jata he, hazrat me to unki is jurat or bebaki pe heran hn ke ye musalman hain jo khaliq hony ka daawa kar rahy hain inki is soch pe to hindu bhi sharma jay. mujhay is blog me yahi bat sab se pasand ai he ke ap har bat Quran O Sunat ke hawaly se karty hain warna yaqin maniy aj kal to log jin ko Quran parhna bhi nahi ata amil bany bethay hain. Allah apko khush rakhay amliat ko Quran O sunat ki dalil se pesh kar ke ap bahot ajar kama rahay hain.

    ReplyDelete
  5. Umar bhai me qurani amal karna chahta hoon mujhy apki ijazat chahiy
    Qaisar Chishti

    ReplyDelete
  6. Qaisar Bhai me ne is blog me jitny bhi amal pesh kiy hain unkeliy apko kisi ki ijazat ki zaroorat nahi, ap jo bhi qurani amal karna chahain kar sakty hain, me apkeliy dua go hoon.

    ReplyDelete
  7. salam hazrat
    agar hamne koi ek amal
    for ex: shifli,shaitani kiya, aur kamyabi b hui,
    ab ham qurani amal karna chahe to kya kar sakte he?
    aur usse pahlewala amal batil ho jaega?
    jazakallah kheir...!

    ReplyDelete
  8. salam hazrat
    kya ham koi shaitani ya shifli amal kare aur kamyab b huy
    ab ham koi qurani amal karna chahe to kar sakte he?
    aur ye karne se pahla hamzad batil ho jaega?
    jazakallah kheir..!

    ReplyDelete
  9. AoA umar bahi ye jo apne nam wala amal hai is tafseel likh den k kis tra krna hai

    ReplyDelete
  10. AoA umar bahi koi km dino ka qurani amal likh den agli post main

    ReplyDelete
  11. Reply T Rafiq:
    bhai jan is sawal ke jawab ko zara dhyan se samjhain, agar ap shetani amal karty hain to bina hamzad ko azad kiy ap qurani amal to bahot door ki bat shayad namaz ada karny laiq bhi na rahain qk esay amliat me aksar hamzad ki bajay koi makhfi shetani quwat hazir hoti he or qurani amal ke bad agar ap koi bhi shetani amal ya kabira gunah me mubtila hon to apki zakat or amal ki tasir barbad ho jati he magar hamzad ke amal me esa nahin hota agar apka us se muaida sahi nahi hua or usny kaha ke sirf neki ka kam karay ga or ap ne man lia to woh ap ko just shetani amal se ruknay ka kahy ga or agar ap karty hain to dil me bura jany ga magar woh phir bhi apky maskhar rahy ga ye nahi ho sakta ke hamzad azad ho jay muaida me jo muddat he woh poori hony ke baad hi woh azd hoga, han agar hamzad ke ilawa ap ne koi digar qurani amal kia maslan Allah ke kisi ism e mubarak ki zakaat ada ki ya quran ki kisi ayat ki zakaat to chhahy ap shetani amal karain chay koi kabira guna donon soorton me amal batil ho jay ga. tamam tar kabair se apko bachna hoga or saghira gunah se amal batil nahin hota.

    ReplyDelete
  12. Reply to anonumouses:
    kam dino ka qurani amal fi zamana kam dino me tashkil pana bahot mushkil he iski waja pehly bhi byan ho chuki, kam az kam jo bhi 7 din waly amal hain unko bhi 21 din me poora hony ka sochain. nam wala amal tafsil se pesh kar diya jay ga anqarib.

    ReplyDelete
  13. Mohtram ap ne ooper post me jo ahadis byan ki hain unka koi hawala bhi tehrir karain. looking for your reply

    ReplyDelete
  14. ye ahadis imam ibne jarir ki tarikh e islam, Hafiz Ibn e Kasir ki Albidaya wal nihaya or tafsir ibn e kaseer se li gai hen, inkay rawiyon ki mukammal tafsil or hadis ki sehat pe bahes tafsir ibn e kaseer me mulahiza karain. wassalam

    ReplyDelete
  15. Thanks ummar bhai, me dua go hoon ke Allah apko is ilmi safar me kamyab farmay, or agar ho saky to hamzad ke wajood par quran or hdis ki ray me roshni dalain, main ne kahin parha he ke hamzad insan ka nfs e ammaara he.

    ReplyDelete
  16. Reply to naveed: bhai jan Quran me nafs e ammara or nafs e lawama ka zikar aya he awal o zikr burai pe amada karta he muakhar u zikar burai se bachny ki targheeb deta he, ulmay deen ki ray me aksriat ulma hamzad hi ko nafs e ammara gardanty hain or insan ka sathi shetan kehty hain jesy molana Ashraf Thanvi ki ray bhi yahi he. is silsily me haqiqat kia he iska ilm mery pas nahin he qk quran me do bar qareen ya sathi ka tazkra kia Allah ne sura Qaf me kuch Sahaba E Karam dono jaga shetan sathi murad lety hain kuch Sahaba e Karam (R.A) ki ray me pehla qareen Farishta he or doosra shetan, dono ray mojood hain or Quran me nafs bhi dono hi ay hain or ek hadis me bhi sathi farishta or sathi shetan ka tazkra aya jis se guman kia ja sakta he ke qareen jiska tazkra pehly aya woh frishta he or jiska bad me zikar aya woh shetan, lekin baherhal is bat pe poori ummat mutafiq he ke qareen jiska zikr bad me aya woh shetan sathi he, magar mujhay kahin ye zikar nahin mila ke ye sathi shetan qareen hamzad hi ko kaha gya ho or na hi ye bat kahin sanad ke sath mili ke hamzad hi nafs e ammara he, magar ye bat hatmi he ke insan ke sath nafs e ammara laga he or wo shetani kamo pe uksata he magar ye hamzad hi he ye kuch ulma ki ray he sab ki nahi, jo hamzad hi ka zikar kahin milta he to bas Hazrat Ummar (R.A) ke waqia me jo me ne blog me post kar dia baqi jaghon pe mukhtlif alfaz hain. christians is ko frishta manty hain ke ye guarian angl he.

    ReplyDelete
  17. asalm-o-alaikum
    muhtram
    mae chand sawal pochna chahta hoon umeed hae ke jawab de kar shukreye ka moka dey ge
    1* janb aap ne jo "taskheer hamzad batni" ke 3 amal likhae hae un ki hedayat mae badboo dar and manshite things ka mana hae tou sawal ye hae ke badboodar things and manshi things kon kon si hae? kia paan,gutka,supari,cigreat estemal kar sakte hae ya nahi?
    2* khane and peene ki cheezo mae hamzad ka jo hissa hae wo amal ki muddat tak karna hae ya hamesha?
    3* room ki shart jo hoti hae ke koi os mae na dakhil ho tou ye shart jab amal parh rahe hou os waqt ki hae ya amal ki muddat tak ki hay yani jitne din ka amal hae utne din tak os kamre mae koi dakhil na ho
    4* jin amliyat mae koi khas sharayet na hoon tou kia un amliyat mae ahbab apni wife se wazefa-e-zogeyat ada kar sakte hae ya phir es se ejtanab karna zaroori hae
    5* app ne farmaya ke hamzad ke amal mae sirf or sirf batni hisar kia jae lakeer na banae jae take hamzad ko baher aa kar samne zahir hone mae deqat na ho tou kia batni hisar se hamzad ka rasta nahi rukta and hisar na khechne se wo app ko kisi kisam ka nuksan nahi pohncha pae ga
    saghir afaq
    saghir8123@yahoo.com
    (092)03012632824

    ReplyDelete
  18. asalm-o-alaikum
    muhatram
    mae hamzad ka amal karna chahta hoo am living in karachi 3 room appartment i have 3 children 2 girls and 1 boy ages 10,9,and 6y so u select and permision me to any suaitibal amal those effected and 99% successful
    saghir afaq
    saghir8123@yahoo.com
    (+92)03012632824

    ReplyDelete
  19. manashi ashiya se murad sharab, chars etc hain yeni jin se nasha kia jata he ye ashiya ap kisi soorat istemal nhi kar sakty or, pan sigret waghera ki mamaniat nahi. lekin badboor ashiya jesy sigret etc he iska mana to nahin magar na hi pina behtar he, kam az kam parhny se pehly kulli zaroor kar li jay, or huqa ya sgrett pinay waly keliy lazim hoga ke is me se bh hamzad ko hisa day phir khood piy. uska tariqa ye he ke pehli bar smoke lungs me nahin le jana balke mu se nikal dena hy ke ye hamzad ka hisa he, badboodar sahiya ka jo parhez me ne likha he woh meri zati ray he amilin ne is amal me koi pa bandi nahi lagai. meri ray ke mutabiq sgrett etc se ijtinab barta jay, or jo likha he ke or koi parhez nahi us se murad khany pinay me koi parhez nahin, hamzad ki digar tamam tar sharait ki apko pervi karna ho g, wazifa e zojiat ap ada nahi kar sakty, logon se milna julna bhi kam rakhna hoga baqi hidayat wahi rahen gi, albata is me kamray ki shart ki riyat he sirf parhty waqt tanhai ho digar oqat me kisi ke dakhil hony se harj waqia nahi hoga. khany piny ka hisa sirf amal ki mudatt tak dena he or agar hamzad samny a jay or khana leny ki bat kary to intihai kam se kam miqdar ka wada kia jay pet bhar ke khilany ka wada hargiz na kary. or hisar badni karny se rasta nahin rukta albta jism nuqsan se mehfooz ho jata he jab ap circle laga ke hisar karty hain us circle me koi roohani quwat dakhil nahin ho sakti jo bhi tamasha hoga hisar se bahar hoga lekin jab badni hisar kia jata he us me fasla ki qaid nahi hoti na hi any jany ki rok tok,hamzad apky intihai qarib bhi aa ke beth skta he, or hisar sirf itminan e qalb keliy he warna ye bilkul be zarrar amal he.

    ReplyDelete
  20. as salaam walaykum janab mein amliyat seekhna chahata hoon.pls mujhe amal sikhayige
    mushtaq_ahmed805@yahoo.com

    ReplyDelete
  21. mushtaq bhai ap jo amal sikhna chahty hain ya karna chahty hain batain.

    ReplyDelete
  22. AOA,
    UMMER BHI ,ap na jo QURAN-E-MAJEED ki ayat batai ha RUH ka bara ma is ayat ka akhir ma lafz "ILLA QALEELA" lafz bhi to ata ha is ka mutlab ha "MGR THORA" yani yeh nahi kaha ka is ka bara ma ilm nahi ha sirf yahi kaha ha ka thora ha.ruh ka bara ma jitni bhi kitaban ha wo sab to OLIYA KARAM ha FOR EXAMPLE,KASHAF-UL-MAHJOOB ,LOH O QALAM, OR KHUWJA SHAMSH-UDDIN-AZEEMI jasa buzurg oliya karam ko to allah na apni ILM-E-LUDNI sa nawaza ha to in ko to is ka bara kuch to ilm haga.or oliya karam ka jitni bhi karamat ha wo sab to RUH hi ki base pr hoti ha.
    HADEES MA HA KA :MAN ARAFA NAFUHOO FAQAD ARAFA RABUHOO. TO JIN LOGO KO ALLAH KI MARFAT HASIL HO JATI HA WO TO IS RUH KI KUCH HAQEEQAT JANTY HOGA.
    kia yeh sahi ha ka RUH-E-HEWANI hi hamara hamzad ha or yeh mukamal tab bedar hota ha jab hamara 2 LATAIF roshan ho jay jo yeh ha:
    LATEEFA-E-NAFSI + LATEEFA-E-QALBI
    = RUH-E-HEWANI
    or yeh RUH-E-HEWANI OLIYA-E-KARAM ke mukamal bedar hoti ha or un ka hamzad is hamzad sa ziyada taqatwar hota ha or wo ik waqt ma apna 1000 jism karsakty ha yani un ka 1000 jism kam karta ha is ka bara ma OLIYA-E-KARAM ki kitaboon ma zikr ha FOR EXAMPLE,PEER MEHR ALI SHAH ki kitab MEHR-E-MUNEER.
    PLZ MUJH JESA LA-ILM KI KUCH RHNUMAI KARAIN.
    WASALAM

    ReplyDelete
  23. Reply To Haqaiq: mohtrm pehli bat to ye ke ap ghalt farma rahy hain ke me ne ayat poori nahi likhi ap picture me urdu me parh sakty hain me ne ayat e mubarka ke tarjma me wazeh likh dia he tumhain bahot kam iska ilm dia gaya he, or ye bhi me ne byan kia ke tasawaf or shariyat me bahot farq he jin logon ne shariat or tasawaf donon ka mutalia kia he un pe ye bat roz e roshan ki tarah ayaan he, shariat or tariqat me bahot farq he. Allah ne sirf rooh ka hi nahi Ashab e kahef ka bhi kaha ke unki tadaad siway Allah ke koi nahi janta, lekin ek latif sa ishara day dia ke imkan he ke unki tadad saat he magar yaqin ki mohr sabt nahi ki lekin amliat or deegar rawayat me pooray ke pooray nam or baz ka shjra bhi mil jata he to uska sahi ya ghalt hona ham yaqeen se nahee keh sakty.... or quran o hadis se ye bat sabit shuda he ke insan ke sath uska qareen laga rehta he jesa ke sura ق me farmaya ke uska sathi (qareen) kahy ga ke me ne isko gumrah nahi kia ye to khood hi gumrahi me para hua tha or Allah rab ul izat jahanam me dalny ka hukm day ga ye farma kar ke mery hazoor jhagra mat karo, to agar qareen soya hua hota he to uski duty kon sar anjam deta he? agar woh soya hota phir to woh kehta ay Allah me to soya hua tha jo kuch kia isi ne kia yahi zimadaar he... agar woh bedar hi nahi to is se to ye sabit hota he ke insan jo bhi ghalt kaari karta he uska khood zima daar he uska nafs e ammara bechara to nind me he.... kisi bhi soofi ya alem e deen ne ye nahe farmaya ke insan ka nafs e amaara bedar nahin hota balke soya hota he, soofiya ki baton ko ghuma phira ke ghalt rang me kuch log pesh kar ke na sirf dunia balke akhrat ki bhi zilat kamma rahy hain ap soofia ki jin books ka hawala day rahy hain awal to quran o sunat ki dalil ke bad unki bat rah nahi jati wesy bhi har maslak ke logon ne apni kashf ul mahjoob chaap di he or doosri ehm bat ye ke kisi ek soofi ka ek qol batain jis me us soofi ya alim e deen ne saf or wazeh alfaz me isi rooh ko hamzad qarar diya ho, is me shak nahi ke walli Ullah ko ibadat o riazat ki waja se hamzad Allah ata kar day lekin unki baton ko ghalt rang day ke is had tak barh jana ke wo Quran ke sarih khilaf ho jain bais e sharm he, esay logon se mohtat rahain, deen ka asool he ke jo hadees quran ki kisi ayat ke khilaf ho rad kar di jati he to kisi ka koi qol jo quran e majeed ke sarih khilaf ho kesay maana ja sakta he. jism e latif ya hamzad insan ke sath hi peda hota he or nasoos e qurani se ye sabit he ke nafs e amaara buray kamon me lagata he or nafs e lawwaama burai se rokta he, or ek hadis me bhi Ap S.A.W.W ne farmaya ke har insan ke sath ek qareen jin or ek qareen farishta he, or quran me jahan surah qaaf me qareen ka zikar aya do bar aya, pehly ke bary me kuch sahaba ki ray he ke woh shetan he kuch ki ray he sathi farishta or dosry lafz qareen pe har ek tabqa e fikar ka alim e deen mutafiq he ke us se murad sathi shetan he. or agar koi ye samjhta he ke sathi qareen neend me he to ye bat har lihaz se nasoos e quran ke khilaf he. or is pe turra ye ke phir jagany ke bad khood takhliq karny ka dawa karna ek khush fehmi he, Allah ne khula challenge dia quran me ke ek makhi hi takhliq kar ke dikha do. lekin agar koi ye dawa karta he ke me esa kar sakta hoon to woh sara sar gumrahi me he. jesay nabi se mojzay ka zahoor hota he wesay hi walli Ullah se karamat ka zahoor, walli Ullah ki kisi karamat jo marfat e ilahi ki marhoon e minat ho usay hamzad pe muntabiq na karain qk agar ap esa karty hain to ek amil or walli Ullah ke mawazny ki soorat peda hoti he, amil e hamzad ka har mafooq ul fitrat kam usky hamzad ki madad se anjaam pata he jabke Walli Ullah se karamat ka zahoor hota he, hamzad to sifli or shtani amal se bhi maskhar ho jata he or is bat me koi zara barabar bhi shak nahin ke agar koi sifli ka mahir hamzad ki maddad se karishma dikhay to usay walli to nahi man lia jay ga. ek chiz insan ke sath peda hui to phir usko jagany ke bad takhliq ka daawa mazhak khez he or ye bat sabit shuda he to phir bahes ka koi faida hi nahi.

    ReplyDelete
  24. Aoa
    Sir.
    Ilm e jaffer k Hisa assar pay b kuch amalyat post karin ta k log faida hasil kr sakin...

    ReplyDelete
  25. Aoa, Ummar Bhai suitable time raat me konsa he amal k liye ?

    Aslam

    ReplyDelete
  26. Reply To Aslam:
    hamzad ke amal keliy bad namaz e isha se subah ki azan tak jab chahin jab asani ho waqt muqarar kar lain, koi khas waqt sirf un amliat me hota he jo mehz ek din ya ek rat karna hon, hamzad me ap jo bhi waqt chunain gy phir uski pabandi karna ho gi, maslan pehly din rat 1 bjy kia tp doosray din bhi ek bajy karna ho ga or rozana us waqt nay siyara ki sa,at ho gi.

    ReplyDelete
  27. Assalam o Alaikum Ummar bhai,

    Main bhi ek Ashiq-e-hamzaad hoon, shaadi shuda hoon aur bachay bhi hain. Shaadi se pehlay qareeb 6 saal qabal 2 mukhtalif amal kiye thay, amal ki zakaat day di thi, jis aamil ki kitaab thi un se un ki kitaab kay saray amal ki ijaazat bhi lay li thi, mager kaamyabi nahi mili, shayad jagha sahi nahi thi, ya meri roohani qoowat kam thi us kay baad time nahi mila, main karachi main rehta hoon, kya aap se personally mulaaqaat hosakti hai. tou batayen,, merey girdo nawa main bohat se log hain jo hamzaad ko nahi mantay, aur mera mazaaq bhi uratay hain, dil tou karta hai, kal hi hamzaad musakhar karkay un ko is baat ka yaqeen dila doon lekin zahir na karoon kay meray paas hamzad hai, mujhye sirf apnay zaroori kamom main us ki madad aur khalq-e-khuda ki khidmat kay liye hamzaad musakhar karna hai. jawaab ka muntazir rahonga..

    ReplyDelete
  28. Reply To Kami:
    Welcome to blog, mohtram hamzad ki to kuch oqat hi nahi dunia me woh log bhi mojood hain jo khuda ke wajood ke bhi munkir hain, kisi ko hamzad ke wajood ka yaqeen diulany se apka koi faida nahi. sirf qurani amal roohaniyat ki kami ki wajja se nakam ho sakta he, sifli amliat me har woh banda nakam hota he jis me ruhaniyat ziyada ho, qk ruhaniyat tqwa or pabandi e shariyat se peda hoti he or ye islami amal ki asaas he jabke sifli amliat me tark e deen, har qabih or gandy kam se ijabat zahir hoti he, lihaza apny milan ko dekha jay, behtar to ye he ke sirf qurani amal kia jay chahy khood ko sudharna mushkil hi kiun na ho, lekin agar ye bat tabiyat se mel na khati ho to sifli amal ka intikhab kia jay.

    ReplyDelete
  29. assalamo alaikum, ummar bhaijan janab aap mujhe koi aisa asan amal bata de jisse me khwab me jinnat ko dekh sakun aur koi masla ho to usse daryaft kar sakun....aapka ye blog kafi kwoledgable h alhamdolillah. me ummid karta hun aap jald hi reply denge...khuda hafiz

    ReplyDelete
  30. aaj pehli dafa iss blog par aya hoon aur link dekh kar to samjha tha ke koi shararti bachay hon ge jin ke haath hamzad jaisee cheez ka naam aa gaya aur woh iss ka dhindhora peet-te phirte hain ... kiyunke main janta hoon ke iss main "izhar maan'e ta amal sakht" hota hai. Baharhaal aap log koi behtar wajah rakhte hon ge aur yeh dekh kar khushgawar hairat huee keh yeh bilkul zabardast blog hai. Sabse ooper aapko ghussa main dekha aur blog band karne ki baat bhee parhi shukar hai ke aapne irada badal liya verna hum to reh jatay. Aik amal hamzad ka kar chuka hoon ... teesray din haazir hua thaa ... ba-ijazat amal hai. Afson ke main ne khud hi ussay naheen pehchana aur woh chal diya. aaj tak khalash mojood hai ... kuch ho sakta hai to murahmat farmayen. aur bhai noor mohammad jaise logon ke jawab main khamosh hi rahen to behtar hai ... khali bartan hamesha zyada khanakhta hai.

    ReplyDelete
  31. assalamo alaikum, ummar bhai
    mujy boht shok hai amal sikhny ka agar ap meharbani kary muj par apna hath mara sar par rakh ley to main apka shokar ghozar hon ga

    ReplyDelete