Monday, 9 January 2012

NAZRIYA E TASEER

Amliat ka ek zabta he ek tariqa e kar he, jab amil uskay mutabiq amal karta he to kuch din bad taseer zahir hoti he or jab amal khatm ho ta he to uska asar bhi mulahiza ho jata he, aksar oqat amal me taseer zahir nahi hoti, halanke tamam tar qawanin or sharait ki perwi se amal kia jata he, koi bhi wazifa ya amal jo qurani ho dar asal Allah se hajat rawai ki dua hoti he, baz oqat Allah hi ki taraf se dair hoti he ya kam esa hota he jo shariyat ke manafi hota he, to jahan amal nakam hota he wahan sath sath amil bhi gunah gar hota he. Zamin o asman ke tamam khazanon ki kunjiyan Allah hi ke paas hain jisay chahta he ataa karta he jisay chahta he mehroom rakhta he, lekin koshish karna hamra farz he Allah ne farmaya
لیس للانسان الا ما سعیٰ
Beshak insan keliy wahi kuch he jiski woh koshish karta he, saher or jadoo ka hona quran se sabit he magar quran me ye bhi wazeh kia gya sura baqra me ke jaddo ke asar ka hona bhi Allah hi ke hukm se he jab woh chahta he jadoo ka asrar hota he jab woh nahin chahta jadoo ka asar nahin hota. Isliy chahy ap koi qurani amal karain chahy koi sifli amal, kamyabi tabhi hoti he jab Allah ka hukm ho, ham dua mangtay hain agar qabool nahin hoti to wesay hi qurani amal se agar apka maqsad hasil nahin hota to phir karain.
Amilin ke nazdik taseer kisi ism e ilahi ya ayat e qurani ki tabhi zahir hoti he jab amil sharai ehkam ki baja awri kary or musalsal vird rakhy to ek din esa ata he he ke us ism ya ayat ka muakil amil se manoos ho jata he, usky bad jab bhi woh ism ya ayat ka wird kisi maqsad keliy karta he to maqsad baht jald hath ata he. ab zahir he har ism ya har ayat ki zakwat ada karna mumkin nahi, to uskeliy amilin ka nazriya he ke haroof e tahiji ki zakawt ada kar di jay to mazid kisi ism ya ayat ki zakat ada karny ki zaroorat nahi rehti kiuke har ayat ya har ism inhi 28 haroof se bana he. ab jin logon ne hamzad ka qurani amal karna he to woh agar koi bhi zakat adaa na karain to agar taseer zahir nahi hoti to doosry ya teesray chily me lazim maqsad hath ay ga hamzad hazir hoga, or jo shakhs jis ism ya ayat ka pehly hi se amil he uski zakat ada kar chuka he agar woh usi ism ya ayat se hamzad ka amal kary ga to natija bahot jald samny ay ga. is tarah jin logon ne haroof e tahaji ki zakwat ada ki ho unhain bhi taseer jald mulhiza ho gi unkay har amal me chahy woh jo bhi amal karain. Har shakhs ye chahta he ke amal asan ho, kam se kam dino ka ho or kamyabi bhi yaqini ho to uskeliy do batain zehn me rakhain ke ya to zakawt e haroof e tahaji ada karain pehly ya phir usi ayat ya ism se amal karain jis ke ap amil hain, or agar ye bhi ap se nahi hota to phir yaqeen or wasooq se amal e hamzad e qurani karain or agar hamzad hazir na ho to doosra or teesra chila bhi karain. ye waqiatan haqiqt he ke aksar pehly chila me hi manzil mil jati he amal ka poora na kar pana ek alag bat he lekin kabhi kabhar taseer zahir nahi hoti to uski sirf do hi wajoohat hoti hain  ya to amil gher sharai afal se gurez nahi karta tark e namaz karta he waghera waghera ya zakwat ada nahi ki hoti.
Jis tarah se qurani amal keliy ap keliy lazim he ke tamam shetani kamon se ijtinab bartain wesay hi shetani amliat me ap neki or bhalai se door rahain, quran majid ki tilawat, som o salwat wghera ki matliqan ijazat nahi hoti, hata ke aksar shetani amliat kiy hi nijas, napak or halat e junab me reh kar jaty hain. Jo log be deen hain ibadat se jinka door ka bhi wasta nahin ya woh log jo siray se Allah ke wajood ke hi munkir hain esay log esay amliat me jald kamyab hoty hain lekin jab bhi koi muslman esa amal karta he to usky andar ka iman usky amal ki taseer me kami waqia karta he or baz oqat nakami bhi hoti he. Isliy muslman hazrat ko esay amal se door rehny ki talqin ki jati he qk qasdan na sahi magar sehwan unky mu se koi esa kalma nikal hi jata he or bas wahi ek lamha jab usky mu se koi esa kalma nikalta he amal zaya ho jata he qk dil se to woh pehly bhi saheb e iman hota he or ab zuban ne bhi tasdiq kar di, lekin jo log be deen hain unky mu se agar koi esa kalma nikal bhi jay to choonke unky dil ki tasdiq sath nahi hoti unka amal zaya nahi hota.
jafr ke amliat sab se asan hoty hain or sab se ziyada nakam bhi yahi hoty hain, me ne pehly bhi wazeh kia ke jab bhi ap jafr ka koi amal karain chahy hamzad ka ho chahy koi deegar amal apko mizaj or najoom ke deegar tamam qawanin pe amal pera hona pary ga or isi me hi ghalti ka imkan sab se ziada hpta he aksar oqat ek tajrba kar amail se bhi ghalti ho jati he, lihaza jafri amaal aksar wahi log karty hain jo najoom or jafr se ba qaida taluq rakhty hain.
Koi bhi amal karny se pehly dekhain ke amal kesa he? qurani he, sifli he shetani he ya phir jadoo ka makoos ayat ka amal. jis qism ka amal ho ap ko wesay hi rehna hoga, wesi hi pa bandiyan hon gi ap par. me ek bar phir wazeh kar doon ke jo hazrat qurani amal karain un pe najoom or jafar ki kisi qaidi ki pervi ki koi zaroorat nahi, or jahan pe parhez e jilali ya jamali ho to agar ap na karna chahain to raoza rakhain apko parhez karny ki zaroorat nahin rahy gi. balke parhez e jilali me to kuch amilin esi chizen bhi shamil karty hain jin ka karna wajib he har muslman par magar parhez e jilali ki waja se ap nahi kar sakty, maslan under arm shaving ya pubic hair removing. jabke amlin ka ek tabqa kehta he ke nahi ye to zaroori he ap kar sakty hain, or meri zati ray ye he ke lazmi karain qk agar qurani amal ho or ek shakhs sari rat to quran ka wird kary or 40 din is alam me guzar day ke us ne pubic hair bhi remove na kiy hon to ap khood sochain uska khana pina kia makrooh nahin hoga? kia uski dua me asar hoga? yad rakhain qurani amal khawa koi bhi ho Shariyat e Islami hi apki guide or rehnuma he, ap apny aqiday or apny maslak ke mutabiq chalen, kisi amail ke kehny pe koi esi chiz na karain jo ap ko shariyat se door le jay, quran k amliat me kamyabi chahty hain to quran pe amal karain. parhez e jilali jamali mehz zabt e nafs keliy he iska sirf yahi maqsad he jab ke roza zabt e nafs bhi he or sawab or qurb e ilahi ka zaria bhi, isliy mery nazdik rozadar rehna parhez e jilali ya jamali karny se afzal he. or me ne hamesha isi pe amal kia or jab bhi is pe amal kia kabhi mayoos nahi hua.

10 comments:

  1. AOA,
    ummar bhai apne kaha ke parhez jalali wa jamali na krsake tou roza rakha ja sakta hai, tou kya roze main hum kuch bhi kha pee sakty hai yani ke sahar aur iftari ke waqt, aur is ke baad bhi ??

    ReplyDelete
  2. exactly. ap sehr o aftar or deegar oqat me sab kuch kha pi skty hain, ap imagine nahi kar sakty ke jab musalsal rozadar rahain to kitna zabt e nafs or kitna qurb e ilahi ataa ho ga, phir har dua maqbool ho g har amal kamyab hoga insh Allah. qk parhez se jo chiz apko milna thi yeni rooh ki tazgi, zabt e nafs woh sab apko us se bhi barh kar muyassar aa gya.

    ReplyDelete
  3. amir bahi. AOA, to kai agar ham wazifa to kr rahey hein roza dar b hein rozana, to kia phir married males apni wives se b door rahein? is barey mein kuch bataye........ ya is se parhez he hoga? doosra poochna tha k roohaniyat ke bedari ka teiz tareez amal batain, uskey baghair mein samajhta hun k koi amal na krun...plz guide me.

    ReplyDelete
  4. ap ke post read kr k smaj nhe aa rhe.kuch log aisy khty hn k apke roohaniyat km hy.ap prhaiz nhe krty,ap nai zakat nhe de wgara...
    yesterday ek non muslim ke post read ke jis mai us nai jinn ko taskhher krny k amal likha tha or us amal mai ALLAH k nam tha wo muslims ka amal tha jo ek non muslim nai likha k aisy jinn tasheer krty hn...
    kya us non muslim nai zakat de the?
    kya us nai muslims ka prhaiz kya tha?
    kya us nai nimaz prhe ho ge?
    wo sifle ya non muslims ka amal nhe tha blka muslims ka amal tha jis mai muslim jinn ko taskhher krny ka method tha...
    agr amal k ley wo tumam batayn jo ap nai likhe hn or dosry log likhty hn to non muslim us amal mai kaisy kamyab ho skta hy?

    ReplyDelete
  5. bhai non muslim waise he kamiyab hoty hien jaise hum muslim loag sifli yah sheitani amal yah ayat makoosa ka chila kerte hien..ess mein kise ke kabliyat ka kia bol bal kerna hai,,ap ne to waise baat ke k aik educated person kise unper insan ko kehta hai shut up aur woh agy se mooh daikta hai,jis tera hum muslims ko allow nahi hai sheitan se help mangna lakin phier b hum apni galat khowahishoon ko aur jald se jald amil banne k liyeh sheitani amal kerte hien theek oss terha non muslim b muslims k amal ker sakte hien.

    ReplyDelete
  6. Reply To Anonymouses:
    hamzad ke amal me chahy woh koi bhi amal kiyon na ho, chahy us me koi bhi pehhaiz na ho, orat se door rehna zaroori he, qk zabt e nafs hi to khatm ho jay ga, yahan to jazbat ko bharkaany wali books bhi parhna mana hain to wazifa e zojiyat tabhi adaa hota he jab ap me erotic feelings mojud hon, isliy mana he, or apky har fel ka asar jism e lateef pe waqia hota he isliy zakhmi halat me, bawaseer ki soorat me amal karna bhi mana he, jis chiz se bhi mana kia jata he uski koi na koi illat hoti he, koi bhi parhez bila waja nahi hota. or jahan tak sawal he non muslim ka qurani amal karna, to us me ek bat yad rakhain ke non muslims ki do qismain hain, ek ehl e kitab or baqi wo jo kisi bhi ilahami kitab pe yaqin nahi rakhty. isliy christians and jews qurani amal me kamyab ho jaty hain qk wo ehl e kitab se hain un se to woh rawayat lena bhi jayaz he jo hamary deen ke manafi na ho baherhal bat lambi ho jay gi, lekin ek hindoo ka kamyab hona mushkil hota he bilkul wesay hi jesy ek saheb e iman shetani amal me nakam bhi ho sakta he, or deen e islam ka ek asool he ke Allah dua sab ki poori karta he or sab ko deta he agar us ne sirf muslims ko dena hota to yahoodi or isaai to bhhookay mar jaty, lekin wo tarqi me muslims se bhi agay hain, Allah ne jab kaha ke insan keliy wahi kuch he jiski woh koshish kary to ye formula Allah ne sirf muslims keliy nahin balke tamam insano keliy banaya he tabhi Allah ne is ayat me insan kahah ahl e iman ya bani israel nahi kaha, ye quran ki ek zabrdast khoobi he ke us me aksar maqamat pe jo ehkamat ay hain wo mukhatib kar ke esay dilkash andaz me byan huy ke aqal dang reh jati he,ay bani israel,ya ay wo logo jo iman lay ho..... or hanood bhi aksar jo amliat karty hain woh ya to "islamic tantra" se mosoom kiy jaty hain or in me aksar wo amaal hoty hain jin me muslims ke banay huy urdu, saraiki, pashto ya arbi ke mantar hoty hain. bahot kam khalis or bilkul khalis sirf or sirf ayat e qurani istemal hoti he or agar koi esa amal ho bhi to woh log jo kamyab hoty hain zaroori batain unky ilm me hoti hain, wo amal se pehly darood e pak kai kai din tak parhty hain jisy wo apny hisab se sidhi kehty hain. baqaida amal bismillah parh ke shuroo karty hain, magar muslims ko kabhi bhi kisi amal keliy zakat ki zaroorat nahi parti, kabhi kabhar taseer zahir nahi hot to again karna par jata he lekin jis ne zakwat di ho usay again karny ki nobat bahot kam ati he

    ReplyDelete
  7. asalam-e-alaikum
    ummar bhai mujhe apki smjhane ki tafseel bohat pasand aye,
    kya ap mujhe kuch wazaif sikhai gay plz mujhe bohat shok hai,
    wazife sikhne ka? fayazsohu@yahoo.com

    ReplyDelete
  8. Reply To fayazsohu:
    ap ne jo bhi sikhna ho basad shoq dariyaft farmain, main apny ilm ki had tak zaroor apki rehnumai karoon ga.

    ReplyDelete
  9. asalam-e-alaikum

    Ummar bhai i ask you about some thing in my last post but some how it did not show over hear anyway ek baat maloom kerni thi (my urdu is not so good but i understand and read too)for humzad, you do your own name like YA SALEEM is this is a qurani or shetani amml and do i can eat meat or not? plz tell . saleem

    ReplyDelete